Тыгай шонымашым шочыктыш Параньга район, Кугу Пумарий школышто лудшо-влак дене вашлиймаш.
Сылнымутлан кумылан ӱдыр-рвезе-влак тунемыт. Тидлан нуным марий йылме ден литературым туныктышо Е.Н.Вараксина, историйым туныктышо Т.Е.Лапина кумылаҥдат. А Татьяна Евгеньевнаже «Ший памаш» сылнымут кружокым вуйлата веле огыл, шкежат почеламутым, мурылан шомакым воза. Сылнымутышто шумо сеҥымашыштым йоча-влак ден нунын йӧратыме туныктышышт кодшо кушкыжмын, 25 январьыште, школышто эртыше «О, лыжга олык гае элем» сылнымут пайремыште иктешлышт. Тудо ӱмаште савыкталтше да Марий Эл Республикынан 90 ияш лӱмгечыжлан пӧлеклалтше «Эрвий» альманахын шкешотан презентацийже семын эртыш. Вет тушто ты школышто шинчымашым погышо икшыве-влакынат почеламутышт, йомакышт да моло сылнымут саскашт печатлалтын.
Тиде кечын мемнан, «Марий Эл» газет пашаеҥ-влакын, лудшо-шамыч дене вашлиймашке тушко мийымынат лачеш тольо. Вет тӱҥ марий газетнам кызыт утларакше ача-ава, туныктышо-влак налыт гын, тунемше-влакат тудлан шӱмаҥше кушкыт. Тидлан тылзе еда газетыште лекше «Йоча тӱня» лаштык, «Сылнымут садвечыште» савыкталтше лудыш кумылаҥдат, шонем. А ончыкыжым ӱдыр-рвезе-влак шкештат тушко возаш сӧрышт.
Ончыч тунемше-влак Роман Калугин, Сергей Еремеев, Даша Попова, Надя Терентьева да молат «Эрвий» альманахыште савыкталтше произведенийыштым лудыч. Вара тунемше-влак школ дене шукерте огыл чеверласыше автор-влакын почеламутышт дене палдарышт.
Тыгай шкешотан творческий вашлиймашым Памашъял клуб пелен библиотекарь Т.Ф.Калугинан чумырымо фольклор коллективше сӧрастарыш. Тудо але шукерте огыл веле ышталтын, эсогыл лӱмымат пуэн шуктен огытыл. Мут толмашеш, икшыве-влакым книгалан, сылнымутлан, сем да театр искусствылан кумылаҥдымаште Тамара Фёдоровнан надыржым палемдыде огеш лий. Тудо 40 ий утла библиотекарьлан пашам ыштымыж жапыште ятыр еҥым лудаш таратен. Тиддеч посна клубыштат, школыштат ятыр пайрем кас лач тудын возымо сценарийже почеш эрта. Уста ӱдырамаш Памашъялыште ял пайремым эртарымашке шагал огыл вийым пыштен. Тиде ганат тӱҥ шотышто ӱдырамаш-влак коллектив шочмо ялже нерген Тамара Федоровнан возымо мурыжым, тудынак кызытсе ял илыш нерген чоным тарватыше такмакшым шергылтарыш.
Тиде кечын мемнан, «Марий Эл» газет пашаеҥ-влакын, лудшо-шамыч дене вашлиймашке тушко мийымынат лачеш тольо. Вет тӱҥ марий газетнам кызыт утларакше ача-ава, туныктышо-влак налыт гын, тунемше-влакат тудлан шӱмаҥше кушкыт. Тидлан тылзе еда газетыште лекше «Йоча тӱня» лаштык, «Сылнымут садвечыште» савыкталтше лудыш кумылаҥдат, шонем. А ончыкыжым ӱдыр-рвезе-влак шкештат тушко возаш сӧрышт.
Ончыч тунемше-влак Роман Калугин, Сергей Еремеев, Даша Попова, Надя Терентьева да молат «Эрвий» альманахыште савыкталтше произведенийыштым лудыч. Вара тунемше-влак школ дене шукерте огыл чеверласыше автор-влакын почеламутышт дене палдарышт.
Тыгай шкешотан творческий вашлиймашым Памашъял клуб пелен библиотекарь Т.Ф.Калугинан чумырымо фольклор коллективше сӧрастарыш. Тудо але шукерте огыл веле ышталтын, эсогыл лӱмымат пуэн шуктен огытыл. Мут толмашеш, икшыве-влакым книгалан, сылнымутлан, сем да театр искусствылан кумылаҥдымаште Тамара Фёдоровнан надыржым палемдыде огеш лий. Тудо 40 ий утла библиотекарьлан пашам ыштымыж жапыште ятыр еҥым лудаш таратен. Тиддеч посна клубыштат, школыштат ятыр пайрем кас лач тудын возымо сценарийже почеш эрта. Уста ӱдырамаш Памашъялыште ял пайремым эртарымашке шагал огыл вийым пыштен. Тиде ганат тӱҥ шотышто ӱдырамаш-влак коллектив шочмо ялже нерген Тамара Федоровнан возымо мурыжым, тудынак кызытсе ял илыш нерген чоным тарватыше такмакшым шергылтарыш. А теве школын ончычсо выпускникше самодеятельный автор да исполнитель Михаил Веселовын пӱрымашыжым творческий шӱлыш тура савырен. Тудлан кӧра профтехучилищыште механизаторлан тунеммыжымат кудалтен, илышыжым сылне сем да муро тӱня дене кылден. Кызыт самырык еҥ верысе культура пӧртыштӧ пашам ышта. Тудо весела гармонь пошым шупшыльо да шкенжын "Вашлийме йӧратымаш" мурыж дене погынышо-влакын кумылыштым нале.
"Марий Эл" газетын пашаеҥже-влаклан мутым пуымо деч ончыч сылнымут пайремым вӱдышӧ Т.Е.Лапина сылнымут да муро аланыш толмо корныжым шергале: икмыняр почеламутшым лудо, шомакшылан возымо, чонжылан шерге мурыжым мыланна пӧлеклыш. Сылне каслан тауштымо семын газетнан ял илыш йодыш дене редакторжо, редколлегий член, Марий Элын заслуженный журналистше Вячеслав Смоленцев рӱдӧ марий изданийнан кушкын толмо 95 ияш корныж дене кӱчыкын палдарыш да редакций лӱм дене школын марий йылме кабинетшылан книга пӧлекым кучыктыш. А Марий Эл деч ӧрдыжтӧ илыше марий-влак да финн-угор тӱня йодыш дене редактор Анфиса Эманова калыкнан икоян улмаштыже газетын надырже нерген оҥайын каласкалыш. Мутат уке, шокшын вашлийше пайрем оза-влак деч меат почеш ышна код. Анфиса Васильевна гитара сем почеш кумдан палыме "Мылам латкандаше" да Т.Петуховын "Автобус вашка шочмо ялыш" мурыжым муралтыш, тудым меат авалтышна. Экономика йодыш дене редактор Юрий Исаков "Студент" почеламутшым лудмо дене туныктышо-влакымат, мемнамат, журналист-шамычым, ик жаплан самырык пагытышке пӧртылтыш. Юрий Валентинович газет дене ончыкыжымат кылым кучаш, сылнымутышто кӱкшӧ лектышыш шуаш, а ончыкыжым ӱдыр-рвезе-влаклан журналист корным ойырен налаш тыланыш.
Шарнен илаш чылан пырля войзалтмек, эше ик гана таум ыштен, Кугу Пумарий школ, тудын уста туныктышыжо да уста тунемшыже-влак дене порын чеверласышна.
"Марий Эл" газетын пашаеҥже-влаклан мутым пуымо деч ончыч сылнымут пайремым вӱдышӧ Т.Е.Лапина сылнымут да муро аланыш толмо корныжым шергале: икмыняр почеламутшым лудо, шомакшылан возымо, чонжылан шерге мурыжым мыланна пӧлеклыш. Сылне каслан тауштымо семын газетнан ял илыш йодыш дене редакторжо, редколлегий член, Марий Элын заслуженный журналистше Вячеслав Смоленцев рӱдӧ марий изданийнан кушкын толмо 95 ияш корныж дене кӱчыкын палдарыш да редакций лӱм дене школын марий йылме кабинетшылан книга пӧлекым кучыктыш. А Марий Эл деч ӧрдыжтӧ илыше марий-влак да финн-угор тӱня йодыш дене редактор Анфиса Эманова калыкнан икоян улмаштыже газетын надырже нерген оҥайын каласкалыш. Мутат уке, шокшын вашлийше пайрем оза-влак деч меат почеш ышна код. Анфиса Васильевна гитара сем почеш кумдан палыме "Мылам латкандаше" да Т.Петуховын "Автобус вашка шочмо ялыш" мурыжым муралтыш, тудым меат авалтышна. Экономика йодыш дене редактор Юрий Исаков "Студент" почеламутшым лудмо дене туныктышо-влакымат, мемнамат, журналист-шамычым, ик жаплан самырык пагытышке пӧртылтыш. Юрий Валентинович газет дене ончыкыжымат кылым кучаш, сылнымутышто кӱкшӧ лектышыш шуаш, а ончыкыжым ӱдыр-рвезе-влаклан журналист корным ойырен налаш тыланыш.Шарнен илаш чылан пырля войзалтмек, эше ик гана таум ыштен, Кугу Пумарий школ, тудын уста туныктышыжо да уста тунемшыже-влак дене порын чеверласышна.
Евгений Садовин. Д.Речкинын фотожо.
