Варажым йолташем Кугу Пумарий школым, фельдшерско-акушерский школым, Озаҥысе медицинский институтым тунем пытарен. Чыла вережат келге шинчымашым ончыктен.
Тидлан, конешне. шагал огыл тыршымашым пышташ логалын. Тунам вет жапше могай неле лийын! Кугу
Отечественный сар. война деч варасе шужен ийла. Вася сар гыч шке ачажым. Филипп Саргеевичым, вучен шуктен огыл, тудын ÿмыржö фашист-влак ваштареш кредалмаште кÿрылтын. Аваже, Вера Ефимовна, колхоз пашам ыштен. Тидлан тунам «трудодень» дене веле тÿленыт. Могай тушто окса, могай кинде! Тидлан кöрак Байковлан тунемме лугычак тÿрлö пашам ышщташ пернен: санитар сомылымат шуктен, оролланат шоген, чÿчкыдынак йÿд еда кÿртньыгорно станцийыш вагоным ястараш коштеден.
Но кÿшыл образованийым содыки налын кертын.
Шеледыме почеш пашам ышташ тудым Казахстаныш колтеныт. Тушто кумло ий утла кÿртньыгорно пеленсе санэпидстанцийыште вуйлатен. Туштак ешаҥын. Пелашыже, Нина Петровна, техникумышто математикым туныктен. Нунын кок икшывыштат – Ольга ÿдырышт ден Станислав эргышт – Санкт- Петербург олаште металлургический институтым тунем пытареныт.
Василий Филиппович тукым изаже, Михаил Григорьевич Байков дене вашлияш моткоч йöратен. Нуно икте-весыштым пел шомак гычак умыленыт. Михаил Григорьевич ятыр жап «Марий коммуна» гвзетын тÿҥ редакторжылан ыштен, республикысе илышым сайын пален, сандене кеч-могай йодыш лекме годымат тичмаш вашмутым пуэн кертын. А мутланашыже нуно коктынат пеш йöратеныт.
Мыйын изи годсо йолташем Михаил Григорьевич дене веле огыл, моло пошкудыж денат ик ойым муын моштен, кÿлеш лийме годым эреак полыш кидшым шуялташ ямде лийын. Санденак Василий Филипповичым шкенжымат чот пагаленыт, шочмо кундемыш толын каймыж годым эреак унале пурен лекташ ÿжыныт.
Иктым гына чаманаш логалеш. йолташемын ÿмыржö лугыч кÿрылтын.
Г. Казанцев, Российысе армийын ветеранже
«Кугарня» газет, 2002 ий, 18 январь